ବିରହ ର ବର୍ଣମାଳା: 03- ଶାମୁକା ର ସ୍ୱପ୍ନ by Subhas Chandra Chakra

Deal Score0

ମୋ ଆକାଂକ୍ଷା
ନୀଳ ନୀଳ ଭୂଇଁ,
ମୋ ପ୍ରତୀକ୍ଷା
ଶାମୁକା ର ଦେହ-
ଇଚ୍ଛା, ଆବେଗ ର
ନୀଳ ଚରା ଭୂଇଁ ।

ତମେ ଆଉ
ସମୁଦ୍ର ନୁହେଁ ଯେ
ଏ ଶାମୁକା ପେଟ ତଳେ,
ଛାତି ତଳେ
ଦୁ8ଖ ତକ ମୁକ୍ତା ପାଳଟିବ ।।

ତମେ ମୋର
ଯୋଜନ ଯୋଜନ ଧରି
ବିସ୍ତାରିତ କାମନା ର
ନୀଳାଭ ବିଗ୍ରହ-
ଏମିତିକା ସପନ ରଙ୍ଗ ରେ
ତମେ ଗଢା ଦର୍ପଣ ଯେ
ନା ତମ ମୁହଁ ଦିଶିବ ସେ
ମୋ ନି8ଶବ୍ଦ
ଓ ନିଷିଦ୍ଧ ଇଲାକା ର
ଅଭିଶପ୍ତ ସୂର୍ଯ ଆଲୋକ ରେ
ନା ତମ ମୁହଁ ଦେଖିହେବ
ଫୁଲି ଫୁଲି ଉଠୁଥିବା
ରୁମ ମୂଳ ଆଉ
ଜକ ଜକ କରୁଥିବା
ହସ ହସ ଓଠ ଧାର
ଚୁମ୍ବନ ଦାଗ ରେ
ଫଗୁଣ ର ଚୋରା ମଳୟ ରେ
ଅନ୍ଧାରକୁ ଚେଙ୍କ ଦେବା ପରି
ପ୍ରେମିକ ର ଉଷୁମ ଓଠ ରେ
ମହୁଲିଆ ଶୀତ ଆଉ ଲୁଚି ଲୁଚି
ଭେଟୁଥିବା ପ୍ରେମୀ ଯୁଗଳ ଙ୍କ
ବାହୁ ଡୋରେ ଡୋରେ,
ମାଇ ସଞ୍ଜ ଜହ୍ନ ଆଲୁଅ ରେ ।।

We will be happy to hear your thoughts

Leave a reply

This site uses Akismet to reduce spam. Learn how your comment data is processed.

Best Selling BooksGrab Now!
+ +