ତୁମକୁ ଭେଟିବା ପରେ-037 (Tumaku Bhetiba Pare-37/ Odia Poem) by Subhas Chandra Chakra

Deal Score0

ତମ ଠାରୁ
ଜାଣିଲି ମୁଁ କାଲି
ତୁମ ପୂଣ୍ୟତିଥି
ଏଇ ଦୁନିଆ ରେ
ମୋ ମାଟିରେ ତୁମ-
କୁନି କୁନି ପାଦ ଥାପିବା ର
ପହିଲି ଲଗନ,
ଶୁଭିଥିଲାଯେବେ ତୁମ
କୁଆଁ କୁଆଁ ସ୍ୱର ।।
ମୋ ଧୂମାଭ ଦିଗନ୍ତ ର
ଆଖି ରେ, ଅକ୍ଷରେ –
ଯେତେବେଳେ ଥିଲା ଖାଲି
ଗୋଟିଏ ରଙ୍ଗ ରେ-
ଧୂଆଁଳିଆ ଧୂସର ଆକାଶେ
ଗଦା ଗଦା ଯନ୍ତ୍ରଣାର ଧୂଳି ପାହାଡ ରେ
ତୁମରି ସମାଧି ବେଦୀ କଳା ତାରିଖ ରେ
ମୋ ଆତ୍ମା ର ଶିଳା ଲିପି
କଳା ଅକ୍ଷର ରେ,
ନିଶବଦ ମଶାଣି ର ସବୁ ଶୁଷ୍କ
ବେଦନାକ୍ତ ଶୁଖିଲା ପତରେ
ତୁମ ସ୍ୱର – ବର୍ଷା ଆଣିଦେଲା..
ନୀଳିମା ର ଛୁଆଁ ଦେଇ
ସବୁଜ କାକଳି ଟିଏ
ଶୁଭିଗଲା କାନେ କାନେ
ତୁମ ଓଠ ଦରୋଟି ଛନ୍ଦ ରେ

ମୋ ପ୍ରାଣରେ ଭରିଲା ଝଙ୍କାର
ଚେଇଁଦେଲା ସିପ୍ତ, ଗୁପ୍ତ ଇଛା ତକ
ଭାଙ୍ଗି ଦେଇ ବିସ୍ମୃତି କବର ।।।

We will be happy to hear your thoughts

Leave a reply

This site uses Akismet to reduce spam. Learn how your comment data is processed.

Best Selling BooksGrab Now!
+ +