ଖୋଜିବା ର ସେଇ କେତେ ଦିନ- 06(Khojiba Ra Sei Kete Dina/Odia Poem-06) by Subhas Chandra Chakra

Deal Score0

ତୁମ ସ୍ୱର ଶୁଭିଯାଏ
ନଇ ଆରପାରୁ
ସମୟ ର ତାଳବଣ
ବରଡା ଫାଙ୍କ ରୁ ।

ବାରମ୍ବାରଖାଲି ହାତେ
ପେରିଥିବା ନିଲଠା ଜହ୍ନ ରାତି
ଆଉ ବାରମ୍ବାରଭାଙ୍ଗିଥିବା
ବେସୁରା ବଂଶୀ ର
ଶୁଖିଲା ଓଠ ସ୍ୱର ରେ
ତମ କଅଁଳ ଡାକରା ର
ନରମ ଆମନ୍ତ୍ରଣ-
ତମ ଅଶ୍ରୁଳ ବିଦାୟ ର ଗୀତ ।।

ବାସୀ ମଡା ଆଖି ଲୁହ-
ବରଫ ବିନ୍ଦୁ ପରି
ମୋ ଛାତି ର ଅଶୁଣା ସ୍ପନ୍ଦନ ।
ବିଧବ କପାଳ ର
କଳା କଳା ଆକାଶ ରେ
ସିନ୍ଦୁରିତ, ଅସହାୟ,
ଅଧା ଗଢା ଭଙ୍ଗା ଚୁଡି
ଖନ ଖନ ସ୍ୱର ଶୁଭିଯାଏ ।।

ସମୟ ର ତାଳ ବଣ
ବରଡା ଫାଙ୍କ ରୁ
ମରଣ ର ନଈ ଆରପାରୁ
ତୁମ ସ୍ୱର, କଅଁଳିଆ
ଡାକ ଶୁଭିଯାଏ ।।

We will be happy to hear your thoughts

Leave a reply

This site uses Akismet to reduce spam. Learn how your comment data is processed.

Best Selling BooksGrab Now!
+ +